Unkaa Funaansa Ragaa Itti-quufiinsa raawwii bara 2015
Iftoominni Furtuu Milkaa’inaati.
************************************
Biiroon Bishaanii fi Inarjii Oromiyaa bara baajata 2015tti waliin gahiinsa bishaan dhugaatii fi itti fayyadama Inarjii haaromfamaa dabaluuf, yeroo kamiiyyuu caalaa hojii ajaa’ibsiisaa hojjatee jira.
Haaluma kanaan bara baajata 2015 qofa pirojektoota gara garaa rakkoo bulchiinsa gaarii turanii fi haaraa dabalatee 8,669 xumuruuf kan karoorfate yoo ta’u, hojii cimaa bara kana hojjatameen pirojektoota 9,099 (104.96%) xumuruun, ummata naannoo keenyaa miliyoona 3.75(karoora irraa 138% ol) bishaan qulqulluu akka argatan gochuu danda’ee jira. Gama biraatin itti fayyadamaa fi hojii irra oolmaa baajata kaappitaalaa yoo ilaalle baajata bara kana ramadame 4.8 Billion keessaa caalmaan (143%) hojii irra oolee jira.
Kana irraa ka’uun muuxannoo hojii keessatti bara kana argame cimsuu fi karoora bara 2016 caalmaan hojjachuuf akka nu gargaaru, raawwii bara 2015 ilaalchisee yaadaa fi itti quufinsi hawaasaa maal akka fakkaatu abuuruun baay’ee barbaachisaadha.
Hojiilee Biiroon Bishaanii fi Inarjii Oromiyaatti raawwii bara 2015 ilaalchisee itti quufinsa nuuf qabdan unkaa kana akka nuuf guuttan kabajaan isin gaafanna.
