Biirichi hojimaata loojikii fi tarsiimoo ta’een ummanni naannichaa dhiyeessii bishaan qulqulluu itti fufiinsa qabu akka argatuu fi qabeenya albuudaa naannichaa akka misoomsu dandeessisuudhaaf aangoo kan qabu ta’uu ibsameera. Akkasumas misooma qabeenya anniisaa haaromfamuu danda’u fooyya’ee fi misoome irratti kan hojjetuu fi kunuunsa qabeenya uumamaa Naannichaaf gumaacha kan godhu ta’uu ibsameera.
- ERGAMA:
• Ergamni Biiroo Bishaanii fi Inarjii ijoon dhiheessa bishaan dhugaatii qulqulluu, bulchiinsa iskiimota bishaan dhugaatiif dhangala’aa fi misooma inarjii babal’isuudha.
• Ergama kana galmaan ga’uudhaaf ijaarsa pirojeektoota bishaan dhugaatii fi inarjii saffisiisuun hawaasa keenya fayyadamaa gochuun murteessaadha.
• Keessattuu pirojektoota baroota dheeraaf ijaarsi isaanii lafarra harkifachuun umata keenya mufachiise adda baasuun xiyyeeffannaan addaa kennameefii xumursiisuun barbaachisaadha.
• Haaluma Kanaan hojiiwwan keenya of dagannaa malee hojjachuudhaan karoora qabanne akka milkeessinuuf dhimmoota sadii irratti hundaa’uun (Inisheetiivota, pirojeektotaa fi hojiiwwan gurguddoo) cheeklistiin kurmaana 3ffaa akka armaan gadiitti qoppaa’eera.