Projaktii Bishaan dhugaatii Magaalaa Cinaaksan eebbifame - Biiroo Bishaanii fi Inarjii Oromiyaa
June 27, 2023
Jilli kabajamtuu Afayaa’ii mana maree Caffee Oromiyaa Kabajamoo Addee Sa’aadaa Abduraamaanin durfamu Projaktoota adda adda Harargee bahaatti eebbisaniiru.
Projaktoota eebbifaman keessaa tokko Project Bishaan dhugaatii magaalaa cinaaksan fi uummata naannoo ishii ti. Projaktiin kun baajata Mootummaa Birrii Miliyoona 237 oliin kan ijaarramee yoo ta’u, uummata 30,000 oliif tajaajila bishaan dhugaatii qulqulluu kan kennu ta’a.
Ijaarsii isaa walumaagalatti sarara ujjummoo 26km ol, Boonoo bishaanii 6, Kusaa bishanii abbaa metr k. 500, daandii gara madda bishaanii geesssu 13km, fi Madda Bishaanii boola gadi fagoo 2, kana malees ijaarsa adda addaa of keessa qaba.
Qooda fudhattootni Ijaarsa Project kana irratti hirmaattan fi uummannii ijaarsa irratti deggarsa garagaraa gochaa turtan hundi gala guddaa qabdu.
