Godina Qeellam Wallaggaatti Pirojektootni Bishaan Dhugaatii gara garaa Eebbifaman - Biiroo Bishaanii fi Inarjii Oromiyaa
June 30, 2023
Godina Qeellam Wallaggaatti jilli sadarkaa I/A Pirezdaantii Mootummaa Naannoo Oromiyaa fi Qindeessaa Kilaastara Haqaa fi Nageenyaa Koomishinar Janaraal Kafiyaalew Tafarraa tin durfamu, pirojektoota bishaan dhugaatii Magaalaa Haroo Sabbuu Baajata Mootummaa Naannoo Oromiyaa Qarshii Miliyoona 300 olii fi Pirojektii Bishaan Dhugaatii Nuunnuu Qarshii Miliyoona 60 oliin hojjatamaa turan eebbisiisee jira.
Pirojektootni guyyaa har’aa eebbifaman haala hojiif mijataa hin taane keessatti hojjatamanii kan xumuraman yommuu ta’an, kunis kan agarsiisu dandeettiin raawwachisummaa seektara keenyaa yeroo irraa yerotti dabaluu isaa fi deeggarsi hawaasaa hangam murteessaa fi bu’aa guddaa kan qabu ta’uu isaa agarsiistuu guddaadha.
Carraa kanaan Biiroon keenya qaamota milkaa’ina pirojektoota kanneenitif gumaacha guddaa taasisan hunda galateeffachaa, ummata Magaalaa Haroo Sabbuu fi Nuunnuutin baga gammaddan, baga walumaan gammanne jechuunii barbaada.