" Galma yaadame gahuuf Humnaa fi Dandeettii raawwachiistummaa keenyaa waantoota tumsan loojistikiiwwan kennaman Dhimma jedhameef qofaaf Yoo oolchineedha " - Biiroo Bishaanii fi Inarjii Oromiyaa
November 11, 2022
Sadaasa 2_2015. Adaamaa
” Galma yaadame gahuuf Humnaa fi Dandeettii raawwachiistummaa keenyaa waantoota tumsan loojistikiiwwan kennaman Dhimma jedhameef qofaaf Yoo oolchineedha “
Xumura leenjii Adaamaatti guyyaata 3 geggeefamaa ture irratti Hojiiwwan Sagantaa COWASH marsaa 4ffaa Bara 2015 Galmaan gahuuf meeshaaleen adda addaa Humna raawwachiistummaa milkeessan Godinaalee 11 fi Aanaalee 30f karaa Hooggantuu Biirichaa Injiner Miiliyoon Baqqalaan kennameera.
Meeshaaleen kunneen iddoo Hooggantuu Biiroo Inji Miiliyoon Baqqalaa I/A Hoogganaa biirichaa Injiner Mohaamadzihaad Galatoo fi Daayirekterri Dhaabbilee fi waldaalee deggertootaa Obbo Abaadir Haajii jiranitti Wal harkaa fudhiinsi taasifameera.
Ijaarsi pirojektiiwwan Sagantaa kanaan qabaman Hanga Eebila 30_2015 tti xumuramanii hawaasaaf tajaajila Akka kennaniif Sadarkaa gaariin milkeessuuf Qindoominnii fi Hordoffii taasisuun murteessaadha jedha Kan jedhan Injiner Miiliyoon ,Dandeettiin raawwachiistummaa keenya har’a taasisne, Marsaa 5ffaa keessatti Godinaalee Oromiyaa 21 fi Aanaalee Hafan Akka waliin geenyuuf daandii kan nuuf saaquudha jedhanii, qooda fudhattoonii fI hawwaasa dabalatee Qaamni kamiyyuu tumsan fi Deggersa taasisuun cimsee Akka hojjetus dhaamaniiru.
Sagantaan COWASH gaaffiifi fedhii hawaasaarratti hundaa’uun hawaasa abbummaan hirmaachisuun bakka harki mootummaa ga’uu dadhabetti Hojiiwwan ijoo hojii ijaarsa bishaan dhugaatii hawwaasaaf ,manneen Barnootaa, kellaa fayyaa ,buufataalee fayyaaf irratti Kan hojjetuudha.
Bara 2014 keessa baajata mootummaa fiinlaandii fi Mootummaa naannoo Oromiyaan ramadameen walii gala 105,241,517 raawwii Hojii ijoon raawwatameera.
Bara 2015 kana keessas hojiilee Sagantaa COWASH karoorfaman Galmaan gahuuf baajatni karoorfame Kan Mootummaan naannoo Oromiyaa Qarshii 131,262,430.00 Kan mootummaa Fiinlaand rammade 91,209,047 walii gala Qarshii 222,471,477 rammadamuun hojiiti Galamee Kan jiru yammuu ta’u Kunnis Bittaa meeshaalee, Hojii ijaarsa bishaan dhugaatii hawwaasaaf ,manneen Barnootaa, kellaa fayyaa ,buufataalee fayyaaf Kan oolu akkasumas leenjii dandeetii raawwachiisummaa humna namaaf kan oolu ta’uun hubatameera .
