Ergaa baga Geessanii Hooggantuu Biiroo Bishaani fi Inarjii Oromiyaa Eng. Miliyoon Baqqalaa - Biiroo Bishaanii fi Inarjii Oromiyaa

Ummanni Oromoo fi Biyya Keenyaa biyya keessaa fi biyya alaa jiraattan hundi keechan baga ayyaana Daamaraa bara 2015 nagayaa fi fayyaa guutuu waliin nagayaan geechan jechuun barbaada.

Ayyaanni kun barii bara haaraatti yeroo ganni dukkanaa darbee, biiftuun birraa baatee, lagni guute hir’atee, firri gamaa fi gamanaa wal argee, kormi goobee, Ameessi aanesssee, jabbiin burraaqxee, abaaboon daraaree, namni hundi gammachuu fi Abdiin guutamee waaqa isaa galateeffachaa kan kabajamu waan ta’eef Ayyaana guddaa fi Mootii Ayyaanaati.

Ayyaanni Masqalaa jala bultii Ayyaana Irreechaa kan kabajamuu fi ummata oromoo biratti Ayyaana jaalalaa,gammachuu fi Abdii yoo ta’u, keessattuu ummata Amantaa kiristaanaa hordofan biratti Ayyaana tokkummaa, araaramaa, ifaan guutame akkasumas kan waaqa itti kadhatanii fi dhiifama waaqa biraa itti barbaaddatan,Abdii fi hawwii of duraa waaqa bira itti olkaawwatan waan ta’eef Ayyaana Addaa isa taasisa.

Akkuma Ayyaana daamaraa abdiin keessan akka isiniif guutamu,hawwiin keessan kan itti dhugoomu,Tokkummaan keessan kan itti cimu, yakki keessan kan itti dhiifamu, jireenyi keessan kan itti lalisu, karoorri keesssan ifaan kan guutamu, Oromiyaa fi Biyyi teenya kan itti injifattu akka hunda keenyaf ta’u hawwaa, irra deebin baga geessan baga walumaan geenye jechuun barbaada.