Pirojektiin Bishaan Dhugaatii Magaalaa Asaasaa Eebbifame - Biiroo Bishaanii fi Inarjii Oromiyaa
June 30, 2023
Godina Arsii Lixaatti jilli Itti Gaafatamaa Waajjira Paartii Badhaadhinaa Naannoo Oromiyaa fi KHR Paartii Badhaadhinaa kan ta’an Kabajamoo Obbo Fiqaaduu Tasammaatin durfamu, Pirojektii bishaan dhugaatii Magaalaa Asaasaa Baajata Baankii Addunyaa Marsaa tokkoffaa fi Baajata Mootummaa Naannoo Oromiyaa irraa ramadame Qarshii Miliyoona 110 oliin hojjatamaa ture guyyaa har’aa eebbisiisee jira.
Pirojektiin Bishaan dhugaatii Magaalaa Asaasaa Pirojektoota rakkoo Bulchiinsa gaarii ta’uun, ummanni keenya komataa turan keessaa tokko yoo ta’u, xiyyeeffannaa bara kana Biiroon keenya gama hundaan kennee fi deeggarsa qaamolee dhimmi ilaalu hunda irraa argameen xumuramee tajaajilaaf kan qaqaabeedha.
Carra kanaan Biiroon keenya ummata Magaalaa Asaasaa fi Naannoo ishee jiraatan hundaan baga gammaddan, baga walumaan gammanne jechuu barbaada.