Pirojektootni Bishaan Dhugaatii rakkoo Bulchiinsa gaarii turan heddu Xumuramanii jiru. - Biiroo Bishaanii fi Inarjii Oromiyaa
June 24, 2023
Hojiiwwan bara kana Biiroon keenya xiyyeeffannaa addaatin hojjataa ture keessaa tokko pirojektoota buuleyyii fi rakkoo bulchiinsa gaarii ta’an xumursiisuu yoo ta’u, kanneen keessaa akka fakkeenyaatti pirojektoota xiyyeeffannaa addaa bara kana sadarkaa hundatti kennameen
- Godina Shawaa kaabaatti Magaalaa Caancoo Qarshii Miliyoona 150 oliin hojjatamaa ture,
- Godina Baalee Bahaatti Pirojektii Bororee Qarshii Miliyoona 300 oliin,
- Godina Booranaatti Piroojektii Waaccilee qarshii Mliyoona 100 oliin,
- Godina Gujii Lixaatti Piroojektii Malkaa Soddaa Qarshii Miliyoona 165 oliin.,
- Godina Horroo Guduruu Wallaggaatti Pirojektii Magaalaa Fincaa’aa qarshii miliyoona 365 fi
- Godina Qeellam Wallaggaatti Pirojektii Haroo Sabbuu baajata Mootummaa Naannoo irraa ramadame Qarshii Miliyoona 300 oliin hojjatamaa ture xumuramuun tajaajila ummataatif banaa taasisuun dana’amee jira.
Haaluma kanaan Kontiraaktarootaa fi Gorsitoota pirojektoota kanneen milkeessuuf hojjachaa turtan cinatti , Hooggansa Naannoo irraa eegalee sadarkaa sadarkaan deeggarsa nuuf taasisaa turtanii fi hawaasni bal’aan obsaan nu eeggachaa turtan hunda galateeffachaa, addatti hawaasa keenya Naannoo Bororee fi Waaccillee gammooojjii cophni bishaanii hin jirre keessatti bishaan dhugaatii argattan baga gammaddan, baga walumaan gammanne jechuun barbaada.
Maddi: Fuula Feesbuukii Eng. Million Bekele
Piroojektoota Muraasa Suuraadhaan
One Reply to “Pirojektootni Bishaan Dhugaatii rakkoo Bulchiinsa gaarii turan heddu Xumuramanii jiru.”
Jabaadha