Pirojektoonni Bishaan dhugaatii qulqulluu gara garaa kuma 8 ol xumurame - Biiroo Bishaanii fi Inarjii Oromiyaa
June 16, 2023
Ji’ootta 11n bara 2015 kanatti pirojektoonni Bishaan dhugaatii qulqulluu gara garaa kuma 8 ol xumurame tajaajila eegaluu isa Biiroon Bishaaniifi Ineerjii Oromiyaa beeksise.
Itti aanaa Hoggana Biiroo Bishaaniifi Ineerjii Oromiyaa Injiner Mahammaad Nuuraa ibsa addaatti Biiroo keenyaaf kennaniin bara kana naannoo Oromiyaatti dhiheessii bishaan dhugaatii qulqulluu dabaluuf hojjeetamaa turuu ibsan.
Akkatuma kanaan ergama biiroo isaanii galmaan gahuuf hanga Caamsaa 2015 kanatti, baajata motummaa, hirmannaa hawaasaafi deeggarsa dhaabbiilee gara garaa walumatti qarshii Biliyoona 7fi Miliyoona dhibbaa 5 ol ta’uun pirojektoota bishaan dhugaatii qulqulluu 8,341 sadarkaa adda addaatti hojjeechuun hawaasa naaniichaa miliyoona 2fi kuma dhibba 7 ol fayyadamoo bishaan dhugaatii qulqulluu taasisuun danda’aameera jedhan.
Piroojektonni kaneen birooss adeemsaara waan jiraniif hanga xumura bara kanaatti raawwii, baasiifi fayyadamummaan hawaasaa dabaluu akka danda’uu eeraniiru.
Milka’iina piroojektii bishaanii keessaatti gahee olaanaa kan qabu hawaasa ball’aa ta’uun waan hubatameef, bara kana Paakeejii “ofiin ofiif” jedhu hojiira ooleen hirmannaa hawaasaan pirojektonni bayy’een sadarkaa godinafi aanaalee adda addaatti hojjetamanii tajaajilaf ooluu Injineer Mahammaad ibsaniiru.
Karoora waloo qopheefachuu, dandeetti rawwachistummaa caasaa sadarkaan jiru cimsuu, xiyyeeffannoo hoggansiifi hawaasni sadarkaan jiran kennaaniifi pirojektota rakkoo bulchiinsa gaarii qaban ilaalchiisee xiyyeeffaannoo hoggansa olaanaan kennameen bu’aa argame ta’uu Injineer Mahammaad yadachiisaniru. Bara 2016 keessas pirojektoota walii galtee yeroo dheeraa qaban, sababa gara garaan harkifatanii turan seenaa tasiisuun, kan bara bajaata kanaan qabamanis yeroo qabame keessaatti xumuruuf kan hojjetamu ta’uu ibsaniiru.
Hawasniis pirojektoota kanneeniif kunuunsa barbachiisaa tasiisuun irraa fayyadamuu akka qaban dhamaniiru.
Gabaasni kan Kallacha Oromiyaati!