Pirojektootni Bishaan Dhugaatii Sagantaalee gara garaatin hojjatamaa turan heddu xumuramanii jiru - Biiroo Bishaanii fi Inarjii Oromiyaa
June 26, 2023
Biiroon keenya Bara baajata 2015 keessatti hojiiwwan dhiyeessa bishaan dhugaatii dabaluu fi pirojektoota rakkoo bulchiinsa gaarii ta’an xumursiisuuf hojii heddu hojjataa turee jira. Milkaa’ina gama ijaarsa pirojaktoota bishaan dhugaatiitin galmaa’an keessaa, pirojektoota maddi baajata isaanii Baankii Addunyaa Basket Fund ta’an ( Baankii Invastmantii Awuroopaa, Eejansii Misoomaa Faransaay, Misooma Qindaawaa Xaaliyaanii ) fi Baajata Muching fund Mootummaa Naannoo Oromiyaa irraa argameen hojjatamaa turan gara caalu xumursiisuun danda’amee jira.
Haaluma kanaan
- Godina Jimmaatti Pirojektii Magaalaa Saqqaa Qarshii Miliyoona 93 oliin,
- Godina Arsiitti Pirojektii (Magaalaa Saguree Qarshii 140,
- Arbooyyee Qarshii miliyoona 138 fi
- Magaalaa Gobeessaa walakaan kan xumurame yoo ta’u Qarshii Miliyoona 92 oliin),
- Godina Shawaa Kaabaatti (Magaalaa Sandaafaa Qarshii Miliyoona 92 olii fi Magaala Dabra Tsiggee Qarshii Miliyoona 80 oliin),
- Godina Arsii Lixaatti (Magaalaa Asaasaa Qarshii miliyoona 110 fi
- Magaalaa Dodolaa Qarshii Miliyoona 230 oliin) akkasumas
- Godina Wallagga Bahaatti Magaalaa Siree Qarshii Miliyoona 72 olii fi Godina Shawaa Lixaatti (Magaalaa Ejeree Qarshii Miliyoona 190 fi Godina Shawaa Kibba Lixaatti Magaalaa Awash Malkaa Qunxurree Qarshii Miliyoona 82 olii) fi kkf hojjatamaa turan xururamanii tajaajila hawaasatif banaa ta’anii jiru.
Gama biraatin Mootummaa Naannoo Oromiyaa, Baankii Addunyaa,Minister Bishaani fi Inarjii akkasumas Kontiraaktaroota,Gorsitoota,Ogeeyyii Biiroo irraa hanga Aanaa pirojektoota kanneen milkeessuuf halkanii fi guyyaa dadhabbii malee hojjachaa turtan cinatti Hawaasa keenya deeggarsa barbaachisaa nuuf taasisaa turtan hunda galateeffachaa, xumura irratti hawaasni keenya pirojektoota rakkoo walxaxaa heddu keessa darbee isin bira gaheef, eegumsaa fi kunuunsa barbaachisaa hundaa taasiftanii bishaan qulqulluu akka irraa fayyadamtan adaraa jechuun barbaada.
Irra deebiin baga gammaddan, baga walumaan gammanne!”
Hooggantuu Biiroo Bishaanii fi Inarjii Oromiyaa Eng. Miliyoon Baqqalaa